Swinger

Manfred Ferrari

mise en scène: Manfred Ferrari

«Uschia n'hai jau anc mai vis tai avant … ils vaiders da mes egliers èn sa turblads – senza smanzegnar.» Cura ch'ina decleraziun d'amur autentica d'in um a sia dunna na provochescha betg mo risadas en il public, ma sveglia era profunda commoziun, lura è il teater documentar reussì. Alura vegn ins tschiffà en il mintgadi andetgamain da la gronda tragedia da l'amur en tut sia ridiculezza.  

Po esser ch'il fenomen dals swingers stat en opposiziun diametrala cun nossa imaginaziun da romantica e fidaivladad. Po er esser che la sexualitad è per blers da nus il champ il pli extrem da l'intimitad e dal privat insumma: davos la porta da la chombra da durmir serrada essan mo nus dus. Ed i po er esser ch'intgins da nus èn propi monogams. Schebain che quai èn pli paucs che pretendì, e quai pon ins propi considerar sco consens. Tenor stimaziuns vivan en mintga cas var in milliun umans en l'entira Europa lur sexualitad il medem mument cun different:as partenari:as. Il reschissur e co-manader da la Postremise Cuira, Manfred Ferrari, ha intervistà pèrs da swingers da la Svizra e dals pajais vischins cun ses ensemble d'actur:as, sautunz:as e musicist:as. A basa d'ina enorma quantitad da material han els sviluppà in toc che dat perditga da la vita en tut sias colurs. Igl è a medem mument ina documentaziun dals discurs, ma er in toc da teater. La musica, la tenda traglischanta ed il chant en cumbinaziun cun costums propi fitg ristgads dattan a la documentaziun il slantsch ficziunal necessari per l'inscenaziun teatrala.   

L'irritaziun ch'ins resenta udind tschertas constataziuns e descripziuns detagliadas dals eveniments en il club dals swingers, na fa surprendentamain betg ch'ins sa distanziescha da las persunas citadas. Anzi, ins tschertga en lur descripziuns plitost la vardad davart l'amur e la sexualitad, davart la ventira e la libertad ch'ins pudess avair manchentà fin ussa. Nagut na vulessan nus numnadamain savair pli gugent che co che quai va propi cun l'amur, e nagut n'impedescha pli consequentamain questa ultima revelaziun. L'avertadad e la mancanza da turpetg dals pèrs purtretads, cun las qualas nus vegnin confruntads qua – magari er en ina furma dal tuttafatg banala – è per blers almain ina revelaziun: igl è insatge nov. E dal nov para era da viver la scena dals swingers. U cun auters pleds: tuttina quant differentas ch'èn nossas avischinaziuns, «love is love».  

 

Nus avain grond plaschair che gist la producziun da la Postremise Cuira, ina da nossas partenarias da teater da quest onn, è vegnida tschernida per la SÉLECTION da l'Inscunter dal teater svizzer, grazia a sia moda e maniera remartgabla da metter sin tribuna material documentar.

(Julie Paucker, direcziun artistica)

Reschia
Manfred Ferrari

Assistenza
Iris Peng

Cun
Ivo Bärtsch, Miriam Japp, Riikka Läser, Nikolaus Schmid 

Musica
Daniel Sailer, Marco Schädler

Costums
Florian Holdener

Glisch
Roger Stieger

Producziun
«ressort k»

Coproducziun
Postremise Chur

21.05.2022—20h09
In allemand
surtitres français
Duration 1h10