Music all

Marco Berrettini, Jonathan Capdevielle, Jérôme Marin

mise en scène: Marco Berrettini, Jonathan Capdevielle, Jérôme Marin

En quest toc s'inscuntran trais legendas – uschè differentas sco la stad, l'atun e l'enviern. U uschè differentas sco il teater, il cabaret ed il saut.

Il Talian Marco Berrettini è sautunz e coreograf. El lavura cun grond success cun sia Comédie de Genève en Svizra ed en l'entira Europa. Jonathan Capdevielle è bler: reschissur, actur, sautunz, giugader da marionettas, chantadur e ventriloc. El performescha en bunamain tut las producziuns da Giselle Vienne e fa agens projects che sa laschan descriver sco tschertga da fastizs autobiografics. El viva a Paris. Naschì en Frantscha è era Jérôme Marin che sa deditgescha cumplainamain al cabaret. Sia figura dal Monsieur K. cumpara en differentas furmaziuns ed en differents tocs, ma era sco solist. 

Quai ch'ils trais acturs tschertgan en questa joint venture collectiva n'è nagut pli pauc che la fragilitad umana, ed els tschertgan ella cun s'exponer cumplettamain in a l'auter, a la tribuna ed al public. I va apparentamain plitost per in'experientscha che per ina represchentaziun. «Music all» vul esser ina sort da «flip», quai è tenor l'autur Jeffrey J. Kripal in mument en la vita d'in uman che tut vegn mess sutsura e la perspectiva sa mida cumplettamain.

Quai che collia ils trais artists – sper lur spiert umoristic sumegliant – è in'amur per quai che la Music Hall represchenta: ils numers, l'artistica, la glischur, il glamour, la magia da la tecnica, la transfurmaziun, la travestgida – ma era la savida che la sminca po zuppentar la miseria e ch'in sentiment vid po sa far valair, cura che la tenda sa serra.

La scenaria da «Music all», ina sort d'autostrada bandunada cun plazza da gieu, è per ils artists il revers da la tribuna da show perfetga. Ella revelescha andetgamain la monstrusitad e la falombradad dal showbusiness, sch'ella sa tegna memia ditg vi da ses stars.

La show meandrescha sco ina successiun da numers, accumpagnada d'in musicist live che na sa betg, sch'el vul insumma esser qua, e d'in stuntman che fa sias piruettas en la sumbriva e na para d'avair nagina autra finamira che da metter nagins limits a sasez. Betg a sias tgutgarias, betg a sias ridiculezzas, betg a sia perplexadad – ed er il ritmus fa atgnamain tge ch'el vul. È quai anc divertiment? È quai anc Music Hall u simplamain in battibugl musical?

Igl è surtut fitg schreg e mintgatant absurd. Quest toc stat insaco a travers ed impedescha ina descripziun. Ins sto vesair el per chapir pertge che tscherts maletgs na van betg or dal chau, pertge ch'el lascha enavos pitschens fastizs insanua en la scorsa exteriura dal tscharvè, insanua en il magun ed insanua en il cor. Forsa il presentiment d'in  «flip»…

(Julie Paucker, direcziun artistica)

Concept e reschia
Marco Berrettini, Jonathan Capdevielle, Jérôme Marin

Cun
Marco Berrettini, Jonathan Capdevielle, Jérôme Marin

Musica live
Théo Harfoush

Cascadeur
Franck Saurel

Assistenza
Louis Bonard 

Tribuna e glisch
Bruno Faucher

Costums
Colombe Lauriot Prévost

Tun
Vanessa Court

Direcziun de la tecnica
Jérôme Masson 

Producziun
Association Poppydog (FR) & *Melk Prod. (CH) 

Coproducziun
ADC - Pavillon – Genève (CH) Arsenic – Lausanne (CH) Festival dAutomne à Paris (FR) CCN2- Centre chorégraphique national de Grenoble Le Manège – Scène nationale de Reims (FR) T2G Théâtre de Gennevilliers - Centre Dramatique National (FR) Théâtre des 13 vents centre dramatique national de Montpellier (FR) Théâtre de Lorient - centre dramatique national (FR) Centre Dramatique National dOrléans (FR) La rose des vents – scène nationale Lille Métropole – Villeneuve dAscq (FR) 

19.05.2022—20h00
In français
surtitres allemand
Duration 2h