Giselle...

tenor Théophile Gautier et Henri de Saint-Georges

mise en scène: François Gremaud

L'emprim han ins l'impressiun d'assister ad ina performance da lectura: ina dunna suletta sin ina surfatscha alva. Ella sa preschenta e dat lura a moda scharmanta ed eloquenta ina survista da quai ch'ella ha en senn: numnadamain da discurrer davart lacapodovra dal ballet romantic, davart «Giselle».

Ma en il fund èn anc quatter musicistas: l'arpa, la gìa, la flauta traversa ed il saxofon. Ed il pullover da l'actura sbrinzla e bricla – pitschnas empermischuns da glamour. 

E quai che capita lura, è surprendent: ins guarda sin la surfatscha alva che resta vida e vesa tuttina a sa splegar l'entir ballet romantic: ina scena suonda l'autra, skizzada, sautada e sunada plain allusiuns. La fantasia dal public, svegliada d'ina grondiusa performra e da pitschens fragments da musica romantica, cumplettescha il sboz dal maletg. Quai è in eveniment fitg collectiv, ina decleraziun d'amur al teater, ed igl è suenter quest lung temp che nus essan sesids dapli sin canapés che en salas d'aspectaturs, in toc fitg liberant.

La sairada sut la reschia da François Gremaud viva da Samantha van Wissen: sco sautunza da la Compagnie Rosas dad Anna Teresa De Keersmaeker n'è ella betg ina raquintadra ordinaria. Ella sa distingua tras ses talent nunusitadamain cumediantic, ses umor fin ed adina cordial, mai sprezzant. Il reschissur da Losanna ha davairas scrit sia «Giselle…»per ella sin mesira. En sia versiun dal classicher al reusseschi da dar in'egliada ironica sin il mund dal ballet, sa deditgond cumplainamain a l'eleganza da l'original. Che quai è pussaivel e savens schizunt il medem mument, è propi il clou surprendent da la saira. Ins ri sur da bler che n'è oz – per dir cun precauziun – betg dal tuttafatg actual, cura ch'ins guarda in ballet romantic: sur da la convenziun burgaisa da splatschar, sur da la moda detg machistica dal protagonist da tschiffar la protagonista, davart las chautschas nunditg stretgas dals sautunzs e sur da las alinas pitschnas sin il dies da las sautunzas. E tuttina speresch ins sco in uffant che la musica na chalia mai, che Gisella na moria betg e che sia amur na vegnia mai trumpada.

«Giselle…» è la segunda part d'ina trilogia d'ovras da François Gremaud en collavuraziun cun il Théâtre Vidy-Lausanne. Quella deditgescha el a trais grondas figuras da dunnas tragicas, cun mintgamai mo in actur, in'actura sin tribuna. En «Phèdre!» (2017), represchentà il 2019 a l'Inscunter dal teater svizzer, è el sa deditgà al toc il pli classic da tut ils tocs franzos ed ha engaschà per quel l'actur Romain Daroles. Quel ha giugà la rolla en il fratemp passa 300 giadas en Frantscha ed en Svizra. Suenter «Giselle…» prepara el cun «Carmen» uss era la terza part da la trilogia: al teater recitativ ed al ballet suonda l'opera. Ensemen cun la chantadura Rosemary Standley interpretescha il reschissur la figura da Carmen da Georges Bizet. Per sias producziuns ha François Gremaud retschet il 2019 il Premi svizzer dal teater.

(Julie Paucker)

Reschia 
François Gremaud

Cun
Samantha van Wissen

Musica
Luca Antignani, d’après Adolphe Adam

Musicistas
Gìa : Anastasia Lindeberg
Arpa: Valerio Lisci
Flauta traversa: Héléna Macherel
Saxofon: Sara Zazo Romero

Text
François Gremaud, d’après Téophile Gautier et Jules-Henri Vernoy de Saint-Georges

Choreografia
Samantha van Wissen, d’après Jean Coralli et Julies Perrot

Assistenz
Wanda Bernasconi

Tun
Bart Aga

Direcziun de la tecnica e glisch
Stéphane Gattoni – Zinzoline

Administraziun, producziun
Noémie Doutreleau, Michaël Monney

Producziun
2b company

Coproducziun
Théâtre de Vidy-Lausanne (CH), Théâtre Saint-Gervais Genève (CH), Bonlieu Scène Nationale Annecy (FR), Malraux Scène Nationale Chambéry Savoie (FR), dans le cadre du projet PEPS – Plateforme Européenne de Production Scénique, Théâtre de la Ville – Paris/Festival d’Automne à Paris

 

20.05.2022—18h30
In français
surtitres allemand
Duration 1h45