L'Inscunter 2020 – bainvegni

Charas amias e chars amis dal teater 

Nus essan uss en il setavel onn – ins di che quai saja l'onn che bleras relaziuns giajan en paglia. Danunder deriva atgnamain questa idea che l'amur perdia sia forza suenter set onns? Dad ina malchapientscha. Seven Year Itchnumnav'ins oriundamain ina malsogna da la pel. La pel da las persunas pertutgadas da questa malsogna chala finalmain da morder pir suenter set onns. Per nus na vala ni l'in ni l'auter. Nus ans inamurain adina puspè da nov en il teater e perquai piztgi nus d'annunziar la setavla ediziun da l'Inscunter dal teater svizzer.

Suenter las emprimas ediziuns a Winterthur (2014/15) ed ils onns da viadi cun staziuns a Genevra (2016), en il Tessin (2017), a Turitg (2018) ed en il Vallais cumbinain nus quest onn dus lieus da preschentaziun ad in molecul da festival plain energia: Cuira en il Grischun e Schaan en il Liechtenstein. Nus pendulain vi e nà sur il Raine preschentain puspè ina tscherna da puncts culminants da la lavur da teater svizra.

Noss curatori ha tschertgà en tut las regiuns linguisticas ed è sin il tschancun final da la selecziun. Bainbaud prend'ins decisiuns, fixesch'ins termins, mesir'ins portals da tribuna, pachetesch'ins culissas e reserv'ins acturs per pudair mussar il matg il meglier, il pli spezial, il pli tipic – ditg curt il pli remartgabel – ch'è stà da vesair l'onn passà sin las tribunas da nossas differentas culturas.

Dad in onn a l'auter è il program accumpagnant da l'Inscunter dal teater svizzer sa sviluppà adina pli fitg ad ina «trans-röschtiala» annuala per la branscha: er a Cuira/Schaan vegn il program accumpagnà da forums, lavuratoris e podiums cun translaziuns simultanas davart temas actuals dal teater. In punct culminant vegn era quest onn ad esser la surdada dals Premis dal teater svizzer da l'Uffizi federal da cultura.

Nus ans legrain sin in inscunter inspirant, festiv e divertent cun Vus – en il teater e durant il discurs luc en ina da nossas ustarias dal festival.

Plinio Bachmann, president